Sulmuesi i talentuar i Bayer Leverkusen, Leon Bailey është duke shkëlqyer me fanellën e klubit gjerman.
Anësori këmbëshpejtë e ka nisur mjaftë mirë këtë edicion, ku në 13 ndeshje ka realizuar pesë gola dhe ka dhuruar katër asistime.
Kjo ka bërë që në zyrat e klubit gjerman të vijnë oferta të rëndësishme për të.
20-vjeçari nga Xhamajka iu bashkua Leverkusenit një vit më parë për rreth 14 milionë euro nga skuadra belge Genk.
Ndërsa tani Barcelona dhe Chelsea janë duke u interesuar për transferimin e tij.
Sipas medieve gjermane, Leverkusen e vlerëson yllin e tyre rreth 45 milionë euro.
Mbetet të shihet se cila nga dy skuadrat e lartpërmendura do të arrijnë të fitojnë duelin për sulmuesi këmbëshpejtë.
Kujtojmë që Bailey ka një kontratë të vlefshme me Leverkusenin deri në qershor të vitit 2022.
