Mbyllet me një barazim spektakolar 3-3 mes Atalantës dhe Lazios java e 17-të e Serisë A. Përfundoi pa fitues derbi shqiptar mes Strakoshës dhe Berishës me dy portierët e kombëtares kuqezi që bënë disa pritje shpëtimtare sidomos Strakosha dhe nuk kishin aspak faj në golat e pësuar pasi mbrotjejet e të dyja skuadrave futnin ujë nga të gjitha anët. Një barazim që nuk i vlejti as bergamaskëve e as kryeqytetasve pasi vetëm fitorja u bënte punë, Lazios për t’u afruar me zonën Champions dhe Atalantës me zonën Europa League.
Dy golat e shpejtë të Caldarës dhe Ilicic krijuan përshtypjen e një fitoreje të lehtë për Atalantën por Lazio u përgjigj që në pjesën e parë me Milinkovic Savic që mposhti dy herë Berishën duke barazuar shifrat. Në fillimin e pjesës së dytë Ilicic kthehu në gol një 11-metërsh duke u dhënë sërish epërsinë vendasve.
Më pas Petagnas me ndërhyrjen e VAR-it iu anullua një gol për pozicion jashtë loje, ndërsa Lazio gjeti golin e barazimit në të 79-tën pas një superaksioni të finalizuar nga spanjolli Luis Alberto.
