Sergio Ramos beson se bashkë me Realin favorit për Ligën e Kampionëve janë edhe Barcelona, PSG-ja dhe Bayern Munichu.
Real Madridi dhe Paris Saint Germaini do të përballen me njëra-tjetrën në fazën me eleminim direkt nga ky kompeticion.
Ramos, beson se PSG ka kualitete për të fituar Championsin, teksa në mesin e favoritëve ka futur edhe Bayernin e Barcelonën.
“Fitorja është në ADN-në e Real Madridit. Do të doja që të fitojmë Ligën e Kampionëve për herë të tretë me radhë, por aty janë klube si Barça, PSG-ja e Bayerni”, tha Ramos.
“PSG është skuadër e fortë që mund ta fitojë pa problem Champions League. Do të shohim, por është një rival ndaj të cilit duhet të fitojmë për t’i arritur objektivat”, shtoi kapiteni i Realit.
