Ish-trajneri i Feronikelit dhe Trepçës ’89, Zekiria Ramadani, ka folur për pasardhësin e tij tek Feronikeli, Ismet Munishi.
I ftuar në emisionin sportiv të “TV Shenja” në Shkup, Ramadani pati disa fjalë edhe për trajnerin e Llapit, Tahir Batatina.
“Pasardhësi im tek Feronikeli është një mik i imi, Ismet Munishi. Ai është një motivues i madh dhe uroj që ta fitojë titullin e dytë të tij me Feronikelin. Munishi dhe Batatina dallohen edhe për deklarata. Ata janë shtatë ditë në javë nëpër media”, ka thënë Ramadani.
