Duket se Flamurtari i Vlorës nuk po gjen rehat nga performancat e arbitrave këtë sezon. Klubi ka vendosur të kërkojë të mbajë larg arbitrin Juxhin Xhaja nga ndeshjet e tij, sepse sipas tyre vendimet e arbitrit në ndeshjen Flamurtari-Laçi kanë qenë qëllimisht të gabuara.
Përmes një postimi në “Facebook”, klubi ka shpallur zyrtarisht “të padëshirueshëm” arbitrin Xhaja dhe ka akuzuar FSHF-në se po i sulmon qëllimisht. Më poshtë deklarata e Flamurtarit.
“Kanë kaluar tre ditë nga sulmi i fundit i FSHF-së, nëpërmjet “marjonetave” të saj.
Flamurtari Football Club i bindur se opinioni sportdashës shqiptar, tashmë është i qartë, për mënyren se si FSHF lufton “paranojakët periferik konstant”, ka vendosur të shpall “non grata” arbitrin Juxhin Xhaja, për të gjitha ndeshjet, jashtë dhe brenda për këtë sezon futbollistik".