Vetëm thashetheme, kështu i ka quajtur Sky Sport raportimet për interesimin e Madridit për Pogban.
Pavarësisht raportimeve se Real Madridi po e monitoron Paul Pogban, ylli i Manchester United nuk është synimi i Los Blancos, raporton Sky Sports.
Mesfushori francez ka humbur formën në ndeshjet e fundit, për diçka që u kritikua edhe nga Jose Mourinho, dhe ka spekulime se mund të largohet gjatë verës, diçka që e mohoi kategorikisht trajneri portugez – duke thënë se “së bashku do të gjejmë Pogban e vjetër”.
Sido që të jetë, Pogba nuk është prioritet i Florentino Perez, që preferon Eden Hazardin, teksa raportohet se njëri nga Thibaut Courtois ose David de Gea do ta veshë fanellën e Los Blancos.
Që nga transferimi nga Juventusi në vitin 2016, Pogba ka bërë 74 paraqitje për Djajtë e Kuq, duke realizuar 12 gola.