Niko Kovac do të jetë trajner i ri i Bayern Munihut nga sezoni i ardhshëm duke u bërë zëvendësues i gjermanit Jupp Heynckes. Mediumi prestigjioz gjerman Bild raportoi se trajneri kroat do të jetë zëvendësues i Jupp Heynckes në krye të Bayernit. Nuk ka vonuar shumë dhe kështu edhe ndodhi me Niko Kovacin që zyrtarizohet si trajneri i ri i bavarezëve. Është vet faqja zyrtare e klubit të madh gjerman që ka konfirmuar arritjen e marrëveshjes me kroatin. “Niko Kovac do të marrë përsipër detyrën si trajner i Bayern Munichut nga 1 korriku 2018. Ne ramë dakord për një kontratë 3-vjeçare dje (e enjte)”, ka thënë drejtori sportiv i Bayernit, Hasan Salihamixhiq.