Mancini bëhet hero, i shpëton jetën një gruaje të aksidentuar - Bota Sot
Mancini bëhet hero, i shpëton jetën një gruaje të aksidentuar

Futboll

E shtunë, 22 shtator 2018

Mancini bëhet hero, i shpëton jetën një gruaje të aksidentuar

Më: 17 qershor 2018 Në ora: 09:59
Roberto Mancini

Trajneri i kombëtares italiane Roberto Mancini ka përfunduar në faqet e para të mediave italiane jo për Botërorin “Rusi 2018”, pasi kombëtarja “azzurre” nuk luan, por për një akt heroik që ka bërë. Ai ndodhet për pushime me disa miqtë e tij, kur ka parë një aksident. Një makinë ka përplasur një grua 94-vjeçare që kalonte rrugën me biçikletë.

Mancini, së bashku me miqtë e tij, mes të cilëve edhe një mjek, kanë ndihmuar zonjën e moshuar, duke i dhënë ndihmën e parë dhe duke njoftuar ambulancën. E moshuara ka marrë disa plagë në trup, kryesisht fraktura dhe pasi i është dhënë ndihma e parë në rrugë është dërguar në spital, ku është jashtë rrezikut për jetën.

Ka qenë djali i zonjës së moshuar ai që ka bërë publik lajmin, duke falënderuar në rrjetet sociale trajnerin e kombëtares italiane për gjestin e kryer bashkë me miqtë e tij. “Është fat për mua e familjen time që Italia nuk luan në Botëror, përndryshe Roberto nuk do të kishte qenë aty pranë. Ndaj e falënderoj atë dhe miqtë e tij që e ndihmuan nënë time”, ka thënë djali.

Sot mund të lexoni Shfletoni kopertinat
Sondazh
test