Futbollisti me prejardhje turke ka njoftuar dje se do të tërhiqet nga kombëtarja.
Mesut Ozil ka qenë në qendër të kritikave për paraqitjet e dobëta me kombëtaren e Gjermanisë dhe eliminimi i ish-kampionëve të botës qysh në fazën e grupeve në Botërorin “Rusia 2018”, ka shtuar kritikat ndaj tij.
Presidenti i Bayern Munichut, Uli Hoeness mendon se largimi i Ozilit nga kombëtarja nuk do të vërehet pasi tash e sa vite ai nuk ka dhënë kontribut për Gjermaninë.
“Jam i lumtur që gjithçka ka marrë fund. Ai ka luajtur shumë dobët për vite me radhë”, ka thënë Hoeness për Sport Bild.
“Hera e fundit kur ai ka fituar një duel ka qenë para Kampionatit Botëror të vitit 2014”.
“Sa herë që Bayerni ka luajtur ndaj Arsenalit, ne e kemi ditur që ai është pika e tyre e dobët”.
“Ka vite që Ozil nuk do të duhej të kishte fare vend në këtë kombëtare dhe mungesa e tij nuk do të vërehet”, ka theksuar ai.