Para shtatores së Shenjëtores Nënë Tereza në Gjakovë, komuna organizoi një aktivitet të larmishëm me pjesëmarrje të gjerë të personaliteteve dhe moshave e profesioneve të ndryshme.
Fillimisht kryetarja e komunës së Gjakovës, Mimoza Kusari-Lila përmendi faktin se një shqiptare u shpall shenjtore dhe kjo për vendin tonë është arsye të festojmë dhe të ndihemi të lumtur.
Kusari Lila: Një mbes e Gjakovës është shenjëtore
“ Kjo për ne si komb shqiptar ka një domethënie të madhe, na ka sjell një mburrje të pashoq sot është një shenjtore, por gjithashtu për Gjakovën tonë dita e djeshme ishte e veçantë, ngase një mbes e Gjakovës me urtësinë, zemër gjerësinë dhe humanitetin e treguar, sot është një shenjtore, shqiptimi i emrit të saj ka kuptimin në tërë botën por nga tani ajo për ne ka edhe kuptimin qiellor “, tha ajo.
Padër Ndue Kajtazi nga Kisha Katolike e nisi fjalimin e tij me fjalë të shenjtores Tereza.
Kajtazi : Shumë popuj provuan ta përvetësojnë emrin e saj
“Nëntë Tereza ishte në 100 e parë të njerëzve më ndikim të madh dhe njerëzve më të popullarizuar të kohës, andaj ishte krejt normale që shumà « popuj e shumë kombe provuan ta përvetësojnë emrin e saj. Këto fjalë ishin përgjigja e saj për të treguar se kush ishte. Ajo me gjak ishte shqiptare e lindur në Shkup nga prindërit Kolë e Drane Bojagjiu. Babi Kola vdes derisa Gongjia ishte 8 vjeç. Nëna Drane me të bijën tjetër do të vendosen në Tiranë, aty i kishte shkuar edhe vëllau i saj Lazeri. Në Tiranë nëna Drane dhe Agja jetuan deri në vdekje, aty edhe u varrosen“, tha ai.
Ndërsa, në emër të shoqatës së intelektualëve “Jakova” nga Gjakova foli prof Ruzhdi Sefa.
Sefa: Nëna Terezë do të duhej të ishte modeli i intelektualit
“Nëna Terezë do të duhej të ishte modeli i intelektuali që ia la trashëgim kulturës tonë. Vëmendja e botës së qytetëruar sërish është kthyer nga shqiptarët prej nga e kishte origjinën shenjtorja Nëna Terezë“, tha Sefa.
Në këtë aktivitete kulturor e artistik u prezantuan Kori i Kishes me këngët "Dashuri është Jeta" dhe "Ti je Jeta ime", pastaj Lorik Pylla luajti në Kitarë. Një Recital për Nënën Terezën interpretoi Gladiola Doli dhe Kori i Shkollës së Muzikës kënduan "Dhuratë për Ditëlindje" dhe "Nënës së Mirë", nën udhëheqjen e Astrit Pallaskës.