Kusari-Lila dënohet me 3 mijë euro për përfshirje të fëmijëve në fushatë - Bota Sot
Kusari-Lila dënohet me 3 mijë euro për përfshirje të fëmijëve në fushatë

Gjakova

E enjte, 18 janar 2018

Kusari-Lila dënohet me 3 mijë euro për përfshirje të fëmijëve në fushatë

Më: 16 tetor 2017 Në ora: 00:04
Mimoza Kusari- Lila

Pas dënimit prej 3500 eurove gjatë ditës së djeshme, Mimoza Kusari- Lila është gjobitur edhe sot me 3 mijë euro tjera.

Përfshirja e fëmijëve në videot e fushatës zgjedhore i shkaktoi dy gjobitje kandidates së Alternativës për kryetare të Gjakovës- Mimoza Kusari-Lilës.

Dje Kusari-Lila ishte dënuar me 3500 euro për një videospot në një klub basketbolli ku shiheshin edhe fëmijë, ajo është dënuar edhe me një gjobë prej 3 mijë eurove, po për përfshirje të të miturve në fushatë, raporton kallxo.com.

Dje u dënua edhe Shpend Ahmeti me 2 mijë euro dhe Agim Veliu me 3 mijë euro.

Paneli Zgjedhor për Ankesa dhe Parashtresa e ka pranuar si të bazuar ankesën e BIRN dhe Internews Kosova ndaj Kusari-Lilës, për përfshirje të fëmijëve në një spot promovues të shpërndarë përmes faqes së saj publike të Facebook-ut.

Videoja e shpërndarë përmbante pamje nga vizita e kandidates së Alternativës në objektin e një shoqate të fëmijëve me Sindromin Down në Gjakovë.

Videoja më pas ishte fshirë nga llogaria e Kusari-Lilës.

Në arsyetimin e dhënë në vendim, Paneli gjeti se Kusari-Lila kishte bërë shkelje te rregullave zgjedhore duke përfshirë fëmijë.

Sipas PZAP-it vizita në këtë shoqatë kishte karakter të fushatës zgjedhore “pasi që në fund të video-incizimit shfaqet edhe llogoja e subjektit politik Alternativa”.

Paneli gjithashtu ka vlerësuar si të paqëndrueshëm arsyetimin e Alternativës se “vizita e realizuar është bërë me pëlqimin e prindërve”, duke rikujtuar se rregullat zgjedhore ndalojnë cfarëdo përfshirje në fushatë të personave që nuk i kanë mbushur 18 vjet.

Përfshirjen në fushatë të personave që nuk kanë mbushur 18 vjet e ndalon neni 5.2 i Rregullës Zgjedhore Numër 13/2013.

Paneli ka gjetur edhe shkelje të Ligjit për Zgjedhje të Përgjithshme sepse kandidatja Kusari-Lila, në rastin konkret, ka përdorur objektin publik për të realizuar vizitën me karakter të fushatës zgjedhore në këtë shoqatë.

Neni 35.1 i Ligjit për Zgjedhjet e Përgjithshme ndalon përdorimin e hapësirave dhe pasurisë publike në fushatë.

Ky veprim, sipas vendimit të panelit, ka ndikuar në lartësinë e gjobës së shqiptuar.

Gjobën e shqiptuar, sipas vendimit, Alternativa obligohet ta paguajë në afat prej 15 ditësh.

Sot mund të lexoni Shfletoni kopertinat
Sondazh
    test