Mesazhi i Gjinit pas fitores në Gjakovë - Bota Sot
Mesazhi i Gjinit pas fitores në Gjakovë

Gjakova

E enjte, 14 dhjetor 2017

Mesazhi i Gjinit pas fitores në Gjakovë

Më: 20 nëntor 2017 Në ora: 06:23
Ardian Gjini

Kandidati për kryetar të Gjakovës nga Aleanca për Ardhmërinë e Kosovës, Ardian Gjini, ka dalë të jetë fitues në balotazhin e zgjedhjeve lokale.

Gjini ka fituar 53.95 për qind të votave, duke lënë pas kandidaten Mimoza Kusari-Lila nga Alternativa, me vetëm 46.51 për qind.

Nga rezultati i këtij balotazhi, AAK del të jetë fituese në shtatë komuna, ndërsa Gjini është shprehur i lumtur për rezultatet.

Shkrimi i plotë:

Të nderuar qytetar të Gjakovës,

Urime zgjedhjet!

Po aq sa jam i lumtur dhe i gëzuar që kam marruar besimin tuaj, aq ndjej edhe përgjegjësi për katër vitet qe vijnë, që nga ky çast.

Mesazhi im kryesor gjatë kësaj fushate ka qenë bashkimi i njerëzve, kjo ide do të më prijë gjatë katër viteve.

I falënderojë të gjithë aktivistët dhe mbështetësit e Aleancës, keni qenë të mrekullueshëm.

I falënderojë edhe mbështetësit nga PDK, PSHDK dhe Nisma.

Qytetarët e Gjakovës kanë treguar se e mbështesin vizionin tonë për bashkim.

Në të njëjtën kohë, gjithë atyre që sonte ndihen humbës ju premtoj se krejt çka kanë humbur është një garë politike.

Unë dhe gjithë kolegët e mi do të kujdesemi që asnjë qytetar i Gjakovës të mos jetë humbës por të gjithë fitues!

Sot mund të lexoni Shfletoni kopertinat
Sondazh
    test