Si pasojë e të reshurave të pandërprera të borës gjatë orëve të mbrëmjes dhe krijimin e kushteve të papërshtatshme në gjithë territorin e komunës së Vitisë, kryetari I komunës Sokol Haliti ka shpallur gjendje mobile.
Ndërkaq kompania e kontraktuar për mirëmbajtjen e rrugëve gjatë sezonit dimëror gjatë gjithë natës ka intervenuar në disa lokalitetet e kryesisht në ato të zonave malore, por që vështirësi po paraqesin ortekët e shpeshtë që po e bëjnë edhe më të vështirë punën e kompanisë. Kështu ka njoftuar për media , drejtori i Drejtorisë së Shërbimeve Publike Nexhmedin Jakupi, i cili ka theksuar se si rrugë më e vështirësuar është ajo në lagjen e Shaqirëve në Debellde dhe në Samakovë, ku kompania nuk ka arritur akoma të intervenoj në hapjen e rrugëve. Ndërkaq edhe rrugët e tjera të vendbanimeve të komunës janë tejet të vështirësuara për qarkullim e në disa prej tyre, kompania ka arritur të bëj pastrimin vetëm një herë gjatë ditë së djeshme. Kjo gjendje në rrugët e shumë fshatrave të kësaj komune janë në gjendje të rëndë dhe nga keto rrugë nuk është pastruar ende bora dhe as që janë dokur aty mekanizmat përkatësisht automjetet e kësaj kompanije !!!!.
Për gjendjen e rënd të rrugëve e sidomos në ato të lagjeve, në Drejtorinë Shërbimeve Publike kanë arritur shumë kërkesa për largimin e borës edhe nga rrugët e lagjeve, por që sipas tij, kompania nuk ka mundësi të intervenoj edhe në pastrimin e tyre. Por shtrohet pyetja pse kjo kompani nuk ka mundësi që të kryeje këtë pune pasi që ajo paguhet nga taksapaguesit, qytetarët e kësaj komune .
Nga terreni bëhet e ditur se ka shumë ankesa nga qytetarët të cilët janë të paknaqur pasi që puna nuk po bëhet si duhet.Ndryshe, në zonat kodrinoro malore, trashësia aktuale e borës arrin rreth 1 metër. Ndërkohë që njësia zjarrfikëse në Viti, sa i përket aksidenteve ka bërë të ditur se ka pasur rrëshqitje të automjeteve, por që nuk kanë kërkuar ndihmën e njësisë. Ndërsa gjatë orëve të mbrëmjes, ka ndodhur një rast zjarri në një shtëpi banimi në fshatin Remnik, ku edhe është djegur një dhomë e shtëpisë që është shkaktuar nga zjarri.