Luta: Shtatë ditë e shtatë net falënderime për gjilanasit për besimin e madh për mua dhe LDK-në - Bota Sot
Luta: Shtatë ditë e shtatë net falënderime për gjilanasit për besimin e madh për mua dhe LDK-në

Gjilani

E premte, 15 dhjetor 2017

Luta: Shtatë ditë e shtatë net falënderime për gjilanasit për besimin e madh për mua dhe LDK-në

Më: 13 nëntor 2017 Në ora: 09:16
Lidhja Demokratike e Kosovës në Gjilan

Lidhja Demokratike e Kosovës në Gjilan do të vazhdoj me fushatë ndryshe elektorale për balotazhin, duke organizuar tubime falënderuese për shtatë ditë e shtatë net, në secilin fshat, lagje e lokalitet të komunës.

Kryetari aktual dhe kandidati edhe për një mandat qeverisës me Gjilanin, Lutfi Haziri, ka thënë ndihet i nderuar me besimin e madh që gjilanasit kanë treguar për të dhe LDK-në më 22 tetor, duke shtuar se ky besim do të dyfishohet më 19 nëntor.

“Prej sot janë shtatë ditë e shtatë net të bardha për t’i falënderuar qytetarët për pjesëmarrjen në zgjedhje. Ju e nderuat Gjilanin me besim qytetar, duke e betonuar LDK-në si parti dyfish më e madhe se partia e dytë dhe mua si kandidat i juaji. Faleminderit nga zemra”, ka thënë Haziri.

Kreu i Gjilanit tha se qytetarët kanë folur fort dhe qartë më 22 tetor, duke i mposhtur funksionarët politikë.

“Ne nuk kemi nevojë për fushatë, por vetëm për t’ju falënderuar që folët kaq fort e qartë në favor timin dhe të LDK-së. Funksionarët politikë nuk mundën ta ndryshojnë besimin tuaj. Ne vazhdojmë bashkë. Mbetem Luta i Gjilanit përjetë”, ka deklaruar Haziri.

Sot mund të lexoni Shfletoni kopertinat
Sondazh
    test