Lutfi Haziri i LDK-së duke e komentuar rezultatin e Exit Pollit ku sipas këtij sondazhi ai mori 65.8 për qind, tha se fitorja e tij do të jetë edhe më e thellë se këto të dhëna. Ai u shpreh se programi dhe takimet me qytetarët e Gjilanit, bënë që ta merr edhe njëherë këtë Komunë.
“Besoj që do të jetë edhe më i thellë se exit polli. Flitet për një rezultat të thellë nga ato që vinë nga terreni. Qytetarët dhe programi që e kam ofru, takimet intensive, mbi të gjitha puna katër vjeçare. Definitivisht prej sot janë katër vite të bardha në Gjilan”, tha ai.
Haziri theksoi se ky është një rezultat historik dhe se kjo siç tha ai e bën edhe më të përgjegjshëm.
