Ismail Qemali për New-York World (1913): “Nëse Theodore Roosevelt kandidon për fronin e Shqipërisë, fiton!” Reagimi i ish-presidentit amerikan - Bota Sot
Ismail Qemali për New-York World (1913): “Nëse Theodore Roosevelt kandidon për fronin e Shqipërisë, fiton!” Reagimi i ish-presidentit amerikan

Historia

E enjte, 14 dhjetor 2017

Ismail Qemali për New-York World (1913): “Nëse Theodore Roosevelt kandidon për fronin e Shqipërisë, fiton!” Reagimi i ish-presidentit amerikan

Nga: Aurenc Bebja Më: 2 dhjetor 2017 Në ora: 07:59
Theodore Roosevelt

Deklarata i Ismail Qemalit, mbi sugjerimin e kandidaturës së Theodore Roosevelt për tu bërë mbret i Shqipërisë, ka bërë jehonë në New-York, ku gazetarët vendas janë vërsulur asokohe menjëherë ne drejtim të ish-presidentit amerikan me qëllim që të njohin reagimin e tij lidhur me këtë çështje.

Ja si e përshkruajnë gazetat franceze, “L’Intransigeant” dhe “L’Aurore”, këtë ngjarje, të sjellë në shqip nga Aurenc Bebja – Blogu “Dars (Klos), Mat – Albania” :

New-York, 12 maj. - Qemal Beu, delegati shqiptar në konferencën e Londrës, është intervistuar nga një përfaqësues i New-York World, të cilit i ka thënë se nëse ish-Presidenti i Shteteve të Bashkuara, Theodore Roosevelt, kandidon për fronin e Shqipërisë, ai beson se shqiptarët do ta zgjedhin atë si më të preferuarin nga çdo kandidat tjetër.

Image

L’Aurore, Faqe n°3, E mërkurë, 14 maj 1913 : “Z. Roosevelt, mbret i Shqipërisë!”

New-York, 13 maj. - Z. Roosvelt ndiqet nga gazetarët që kur New-York World publikoi një intervistë të Qemal Beut, kreut të qeverisë së përkohshme shqiptare, aktualisht në Londër, i cili thuhet se tha se nëse ish-presidenti i SHBA-së do të ishte kandidat për fronin e Shqipërisë, ai do të kishte shanse për sukses.

Z. Roosevelt, i cili konsideron këtë botim qesharak, shmang çdo deklaratë, qoftë edhe humoristike.

https://www.darsiani.com/la-gazette/ismail-qemali-per-new-york-world-1913-nese-theodore-roosevelt-kandidon-per-fronin-e-shqiperise-fiton-reagimi-i-ish-presidentit-amerikan/

Sot mund të lexoni Shfletoni kopertinat
Sondazh
    test