Tetë parimet e Ashtonit për dialog - Bota Sot
Tetë parimet e Ashtonit për dialog

Kosova

E mërkurë, 24 gusht 2016

Tetë parimet e Ashtonit për dialog

Më: 4 tetor 2012 Në ora: 11:41

Nga qarqe diplomatike kanë arritur sinjale se përfaqësuesja e lartë e BE-së për Politikë të Jashtme, Catherine Ashton ka njoftuar Tomislav Niklocin me parimet e vazhdimit të dialogut Beograd – Prishtinë, njoftojnë mediat e Beogradit.
“Ashton ia ka kumtuar tetë parimet Nikolicit për negociata, dinamikën e përgjithshme dhe formatin e bisedimeve. Beogradi duhet të jetë i gatshëm për bisedime deri më 20 tetor, sepse çdo gjë duhet të jetë gati para zgjedhjeve presidenciale amerikane. Për Beogradin është e pavolitshme që dialogu teknik ngrihet në atë politik dhe aty do të futen të gjitha çështjet përfshirë edhe veriu për të cilin thotë Ashton, duhet të bisedojnë serbët e veriut dhe Prishtina. Në fund do të verifikohen marrëveshjet, ndër të cilat edhe normalizimi i marrëdhënieve Beograd - Prishtinë. Njëkohësisht në takim me Ashtonin, Nikolic ka kuptuar se askush nuk e detyron për hyrë në BE por është çështje vendimtare ‘NATO ose asgjë’”, ka thënë Dushan Janjic për Danas.

Ai pret që nën siglën e “bisedimeve teknike” të flitet jo vetëm për institucionet në veri, të cilat do të punojnë sipas ligjeve të Kosovës, por edhe “për kompensimin e investimet në xeherore dhe energjetikë“. Janjic këtu e sheh arsyen pse Nikolic e do Dacicin në krye të bisedimeve me Kosovën, transmeton “Koha”.

Nga parimet e Brukselit, sipas Janjicit, e siç transmeton B92, ndër të tjera përfshihen edhe “nuk ka ndryshim të kuadrit të tashëm territorial të Kosovës, që do të thotë se nuk ka ndarje, nuk ka presion për pranim zgjidhjesh dhe as dhunë si përgjigje me mospajtimet për zgjidhjet e arritura“.

Po ashtu thuhet se negociata duhet të avancojnë pozitën e bashkësisë serbe në përputhje me respektimin të drejtave të njeriut dhe drejtave të minoriteteve me një zgjidhje përkatëse për veriun.

Janjic thotë se parimet e BE dhe koncepti i dialogut në pjesë të madhe përfshijnë propozimin katër pikësh të Tadicit i cili si çështje kryesore përmban: status të posaçëm për veriun, garanci për serbët që jetojnë në enklava, status për kishat më rëndësishëm serbe si dhe çështja e pasurisë së qytetarëve të Serbisë në Kosovë.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test