Dilema rreth përfshirjes së veriut në dialog - Bota Sot
Dilema rreth përfshirjes së veriut në dialog

Kosova

E diel, 28 gusht 2016

Dilema rreth përfshirjes së veriut në dialog

Më: 21 tetor 2012 Në ora: 21:02

I ndarë në dy pjesë, si etnikisht ashtu edhe politikisht, veriu të Kosovës vështirë t’i gjendet zgjidhja. Tashmë i shndërruar në “geto”, veriu mbetet gjenerues i krimit dhe kontrabandës, që assesi nuk po mund t’i ndalin institucionet kosovare.

Prej vitit 2008 në këtë pjesë të vendit nuk funksionon asnjë institucion si policia, gjykatat e as ato komunale, raporton KTV-ja.

Madje, Prishtina nuk ka arritur asnjëherë t’i zgjidhte as përfaqësuesit e saj legjitimë.

Për më shumë, që nga korriku i vitit të kaluar në pothuajse të gjitha rrugët kryesore të kësaj pjese vazhdojë të jenë të pranishme barrikadat e vendosura nga një pjesë e qytetarëve serbë, të mbështetur edhe nga strukturat paralele.

Derisa qytetarët shqiptarë, vazhdojnë të përshkojnë këtë urë nën ethe, ndërkombëtarët si zgjidhje të vetme e shohin përfshirjen e çështjes së veriut në procesin e dialogut.

Por, ata që përballen çdo ditë më këtë situatë e shohin dialogun si mundësi të mirë, megjithëse nuk presin shumë prej tij.

Korrespodenti i “Kohës ditore”, Musa Mustafa, i cili që nga paralufta raporton për Mitrovicën, në këtë kohë e sheh krejt të kotë dialogun. Sipas tij, çështje urgjente është largimi i strukturave paralele.

Nga ana tjetër ajo që tashmë një kohë ka marrë një rol të rëndësishëm në tendencën për të krijuar lidhje ndërmjet jugut e veriut, shefja e Zyrës administrative, Adriana Hoxhiq e sheh të domosdoshëm dialogun.

“Situata në veri është shumë e komplikuar dhe dialogu është i domosdoshëm. Por ne nuk kemi kurrfarë ndikimi në vetë dialogun, nuk kemi fare dialog në ndonjë gjë të madhe, sepse detyra ime është të përcjellë atë çfarë thonë qytetarët e në bisedat tona të përditshme me qytetarët, qofshin ata tregtarë të rëndomtë, ose profesorë ose shkencëtarë, ose biznesmenë, të gjithë ata janë deklaruar që politika nuk u intereson dhe nuk i besojnë. Kështu që ne nuk do të lëshohemi në tregime të tilla dhe duhen zgjidhje konkrete që do të ndikojnë në zhvillimin e veriut”, tha ajo.

Hoxhiq shprehet se qytetarët e veriut, të cilët i takon, e kanë humbur besimin te politika.

Ndonëse kërkon mospolitizim të Zyrës që drejton, ajo pret dialog të sinqertë midis Prishtinës e Beogradit.

“Ne e kemi krijuar një komunikim të tillë me qytetarët dhe ne flasim për problemet e përditshme për nevojat e përditshme dhe për ato që më të vërtetë kanë ndikim në jetën e përditshme të qytetarëve, kështu që ne s'mund të ndihmojmë shumë sa i përket dialogut dhe në asnjë mënyrë s'mund të ndikojmë në dialogun mes Prishtinës dhe Beogradit, por është e domosdoshme që dialogu midis dy vendeve të ekzistojë. Andaj duhen biseda të sinqerta që do të japin si rezultat përmirësimin e kushteve të jetës të atyre që jetojnë këtu.”

E derisa barrikadat vazhdojnë të mbajnë të bllokuar këtë pjesë, pjesëtarët e KFOR-it, më shumë pëlqejnë kafenetë buzë urës sesa aksione të vërteta për zhbllokimin e rrugëve.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test