Ministrja e Arsimit, Arbërie Nagavci, gjatë një konference për media ka bërë të ditur se për vitin e ardhshëm do të nisin punimet për ndërtimin e çerdheve të reja në 14 komuna në tërë vendin.
Nagavci vuri në dukje se vetëm gjatë kësaj jave, pritet që të vihet gurthemeli për tre çerdhe të reja në Podujevë, Deçan dhe Prizren, duke demonstruar kështu angazhimin dhe përparimin e qeverisë në përmbushjen e premtimit elektoral për ndërtimin e çerdheve.
Në prezantimin e projekteve për ndërtimin e çerdheve që mbulon periudhën 2021-2023, ministrja zbuloi se deri më tani, në 24 komuna janë ndërtuar katër çerdhe të reja, 26 çerdhe të tjera janë në fazat e ndryshme të ndërtimit, gjashtë shkolla janë adaptuar dhe renovuar si çerdhe, dhe tetë projekte të tjera janë në pritje të tenderit.
