Në pajtim me Kushtetutën e Republikës së Kosovës, me Rregulloren për fushat e përgjegjësisë administrative të Zyrës së Kryeministrit dhe ministrive, dhe në përputhje me Rezolutën e Kuvendit për normalizimin e marrëdhënieve mes Republikës së Kosovës dhe Serbisë, kryeministri Hashim Thaçi, përmes një shkrese zyrtare dërguar kryetarit të Kuvendit, Jakup Krasniqi, ka shprehur gatishmërinë për t’i informuar deputetët e Kuvendit të Republikës së Kosovës për takimin e pestë të zhvilluar në Bruksel me kryeministrin e Serbisë, thuhet në një njoftim për medie të Kryeministrisë.
