Ka përfunduar takimi mes liderëve të partive politike për reformën zgjedhore por pa ndonjë marrëveshje të arritur. Sërish ka mbetur që të diskutohet për më vonë çështja e mënyrës së zgjedhjes së presidentit, përbërja e KQZ-së dhe vendeve të rezervuara për pakicat.
Sipas liderit të lëvizjes Vetëvendosje, Albin Kurti, gjatë takimit janë hedhur disa ide rreth përbërjes së KQZ-së nga lideri i PDK-së, Hashim Thaçi po që nuk pasur ndonjë arritje të marrëveshjes, ndërsa për vendet e rezervuar Kurti ka thënë se Sllobodan Petroviq, kryetar i Partisë Liberale Serbe ka kërcënuar se nuk do të ketë kalim të reformës zgjedhore në Kuvend nëse vendet e rezervuar nuk vazhdohen edhe për dy mandate të tjera.