Kryetari i Mitrovicës Agim Bahtiri të gjitha premtimet thotë se i ka bërë për realizim në këtë mandat politik. Ai nuk synon edhe një mandat, si kryetar i Komunës së Mitrovicës.
“Gjithçka ka me qenë brenda mandatit tim për arsye se mandatin e dytë unë nuk do të jem kryetar”, ka thënë Bahtiri, në emisionin ‘Odeon’.
Agim Bahtiri, Kryetar i komunës së Mitrovicës, thotë se nuk mendon të konkurroj për edhe një mandat të dytë për pozitën që mbanë aktualisht.
Ai thotë se kur dikush e ka mbështetjen e popullit atëher ka gjithçka.
“Një kryetar nuk mund të bëjë asgjë, por në qoftë se e ka popullin me vete, do të shkatërron gjithçka. Dhe unë besoj se popullin e kam me vete dhe unë do të jem prijs i fuqishëm. Beso se kryetari i Mitrovicës do të jetë, më i fuqishëm se kryeministri i vendit”, tha Bahtiri.
Ai tha se Mitrovica do të jetë një revolucion i fuqishëm në zhvillimin ekonomik, dhe se produktet e kësaj komune do të plasohen në tregun evropian.