Sot ka nisur dhënja e shujtave për nxënësit e shkollave fillore, përkatësisht nga niveli parashkollorë, e deri në klasat e pesta të shkollave të Malishevës.
Këtë proces e kanë parë nga afër edhe nënkryetari i Komunës së Malishevës, Rexhep Mazreku dhe drejtori për Arsim dhe Edukim, Avdi Morina, të cilët morën pjesë në dhënien e shujtave për nxënës, në shkollën e fshatit Lubizhdë.
Bëhet e ditur se nga tani e deri në përfundim të vitit shkollor, dhënia e shujtës, do t`i kushtoj buxhetit të Komunës së Malishevës, afro 40 mijë euro, ku përfshihet shujta për 6 382 nxënës.
