Dega e Rinisë Demokratike të Kosovës në Shtërpcë, përmes një komunikate për media, ka demantuar lajmin se anëtarë të Kryesisë së Rinisë Demokratike të Shtërpcës i janë bashkur Lidhjes Demokratike të Kosovës.
“Personat në fjalë, që pretendojnë se janë "anëtar kryesie", asnjëherë nuk kanë qenë pjesë e kryesisë së RDK-së, dega në Shtërpcë. Gënjeshtra dhe paraqitja e këtyre personave në emër të Kryesisë- Dega në Shtërpcë le të mbetet në ndërgjegjen e tyre. Të rinjtë duhet të sjellin energji, vlera dhe sinqeritet në politikë e jo të shpërndajnë gënjeshtra. Rinia Demokratike e Kosovës, Dega në Shtërpcë, çdo ditë e më shumë po rritet me aderime të reja dhe votuesë të rinj të kësaj Komune si dhe po e merr përkrahjen nga të rinjtë pa dallim”, thuhet në reagim.
Sipas PDK-së në Shtërpcë, fitorja e madhe po vjen.
“PDK dhe koalicioni i madh do të jenë fitues në Shtërpcë dhe mbarë Kosovën. Fitorja do të jetë më madhështorja deri më tani”, thuhet në reagim./BS/
