Mërgim Lushtaku, djali i ish-kryetarit të Skenderajt, Sami Lushtakut, ka thënë se familja e tij është përkrahëse e fuqishme e fillimit të ri të Partisë Demokratike të Kosovës.
Mërgimi, që është edhe kandidat i koalicionit PDK-AAK-Nisma për deputet, duke folur në një tubim në Skenderaj pohoi se ndjehet krenar që partia ia dha besimin.
“Familja ime është mbështetëse e madhe e Fillimit të Ri. Ndjehem i nderuar që jam pjesë e Partisë Demokratike të Kosovës dhe ndjehem krenar që jam kandidat për deputet i kësaj partie”, tha ai.
“Nuk është i fuqishëm premtimi jonë, por puna jonë e bënë premtimin”, shtoi Lushtaku.
