I nominuari për kryeministër nga koalicioni PDK-AAK-Nisma për Kosovën, Ramush Haradinaj tha se duhet nderuar miqtë ndërkombëtar duke punuar për shtetin, duke ngritur pagat, duke rritur pensionet, duke përkrahur ndërmarrësit, gratë dhe të rinjtë.
Haradinaj në përmbylljen e fushatës së koalicionit, ka uruar qytetarët për qeverinë e integritetit territorial, kufijve të paprekur, që e bënë Kosovën me ushtri dhe integrim në NATO.
Ai ka thënë se do të jetë një qeveri që respekton opozitën e mediat e lira, por njëkohësisht do të jetë Qeveria që mundëson qytetarëve të lëvizin lirshëm.