Instituti Hidrometeorologjik i Kosovës njofton se në fundjavë do të mbajë kohë e mirë.
Gjatë këtyre dy ditëve të fundjavës parashihet të mbajë mot kryesisht me diell. Temperaturat minimale do të lëvizin ndërmjet 4-6 gradë Celsius, kurse maksimalet e ditës parashihet të lëvizin ndërmjet 20-23 gradë Celsius. Do të fryjë erë kryesisht nga jugperëndimi e lehtë deri mesatare.
Reshjet parashihen të vijnë gjatë orëve të para të ditës së hënë, kurse në veriperëndim të vendit ka mundësi që këto reshje të vijnë në orët e vona të ditës së diele.