Ministri i Arsimit, Shkencës dhe Teknologjisë, Shyqiri Bytyqi, tha se ministria që ai drejton do të kërkojë mbështetje nga faktorët vendorë dhe ndërkombëtarë, për krijimin e kushteve për zhvillim të procesit mësimor konform standardeve bashkëkohore.
Ai këto komente i bëri gjatë një vizite që i bëri Shkollës së Mesme Profesionale “Lasgush Poradeci” në Kijevë të Malishevës, e cila është pajisur me inventar të ri shkollor.
Ministri Bytyqi me këtë rast është shprehur, se është obligim i MASHT-it të ofrojë kushte të mira për mësimdhënie dhe mësimnxënie cilësore dhe se këto pajisje janë motiv shtesë për nxënësit.
Në fund, duke uruar nxënësit dhe mësimdhënësit e kësaj shkolle për pajisjet e reja, ministri Bytyqi u shpreh se tashmë është përgjegjësi e tyre të kenë kujdes në mirëmbajtjen e pajisjeve, për faktin se një gjë e tillë do t’i bënte të ndjehen motivues për mësim cilësor.