Kryeministri i Kosovës, Ramush Haradinaj ka uruar të gjithë besimtarëve ortodoksë festën e Krishtlindjeve.
Haradinaj ka shkruar në Facebook se “festat fetare gjithmonë u kanë shërbyer qytetarëve të Kosovës, por edhe të gjithë njerëzve vullnetmirë, për ta kultivuar solidaritetin ndërmjet tyre, si dhe hyjnoren brenda tyre”.
Postimi i plotë:
Të gjithë qytetarëve të Kosovës, që besojnë në krishtërim, Gëzuar për shumë mot krishtlindjet ortodokse.
Me këtë rast, i uroj edhe ata, që shërbejnë në misionet e ndryshme ndërkombëtare në vendin tonë, si dhe të gjithë të krishterët e ritit ortodoks.
Festat fetare gjithmonë u kanë shërbyer qytetarëve të Kosovës, por edhe të gjjthë njerëzve vullnetmirë, për ta kultivuar solidaritetin ndërmjet tyre, si dhe hyjnoren brenda tyre!
Krishtlindjet ortodokse, i kremtofshi në paqe, me familjet Tuaja, me mirësi e begati.
