Presidenti Hashim Thaçi në fjalën e tij para kabinetit qeveritar në prag të 10 vjetorit të pavarësisë, ka propozuar tri pika, për ndërtimin e tri objekteve: një rezidencë të re të institucioneve, një muze të cilin ai propozon të quhet ‘Muzeu i Pavarësisë’ dhe një obelisk të lirisë në Prishtinë.
“Së pari, shteti i Kosovës ka nevojë për ndërtimin e një kompleksi rezidencial të institucioneve shtetërore si domosdoshmëri e kohës dhe prezentimit real të Republikës së Kosovës.Së dyti, vuajtjet tona shekullore janë të ngulitura te secilit nga ne. Kujtesës tonë historike i duhet një muze, që propozoj të quhet Muzeu i Pavarësisë, ku do të ruhen dhe ekspozohen arte faktet që pasqyrojnë vuajtjet dhe përpjekjet për liri dhe pavarësi. Dhe së treti, kryeqyteti i Republikës së Kosovës, Prishtina ka nevojë për ndërtimi e një Obelistku të lirisë”, ka thënë ai.