Seanca e Kuvendit të Kosovës për demarkacionin do të fillojë së shpejti.
Deri tani në sallën e Kuvendit janë mbledhur vetëm disa deputetë.
Në ulëset e VV-së janë parë vetëm deputetët Adem Mikullovci dhe Salih Salihu.
Te deputeti Salihu ka shkuar ministri i Diasporës Dardan Gashi me të cilin kanë zhvilluar një bashkëbisedim.
Nuk dihet se çfarë kanë biseduar, mirëpo dihet se në këto ditë koalicioni qeverisës ka shumë nevojë për votat e VV-së për të kaluar demarkacioni, meqenëse votat e Listës Serbe nuk janë të sigurta.
