I aksidentuari mbrëmë rreth orës 20:00 në fshatin Vraniq të Suharekës, R.K, nuk arriti të mbijetojë, pasi që ishte rrokullisur me traktor dhe kishte rënë në lum tek vendi i quajtur “Ara e Sylë Bajramit”.
Bëhet fjalë për Ramadan Kolgecin, tashmë i ndjerë. Media mëson se Kolgeci ishte edhe veteran i Ushtrisë Çlirimtare të Kosovës.
Ndryshe, sipas Drejtorisë Rajonale në Prizren, viktima 60 vjeçar ka ndërruar jetë në rrugë për në urgjencë.
“Në vendin e ngjarjes përpos strukturave policore për hetimin e rastit i pranishëm ishte edhe prokurori i shtetit. Trupi i pajetë dërgohet për autopsi”, thuhej në njoftimin e PK-së.
