Aliu priti në takim karateistët ferizajas që u kthyen me 10 medalje nga Turqia

Kosova

Aliu priti në takim karateistët ferizajas që u kthyen me 10 medalje nga Turqia

Më: 17 korrik 2018 Në ora: 14:57
Kryetari i i komunës së Ferizajt, Agim Aliu, ka pritur sot në një takim karateistët e Klubit të Karatesë, ‘Sharri”

Kryetari i i komunës së Ferizajt, Agim Aliu, ka pritur sot në një takim karateistët e Klubit të Karatesë, ‘Sharri”, pas ardhjes së tyre nga Turqia ku fituan 10 medalje në Turneun Ndërkombëtar “Turkish Open 2018”.

Me këtë rast, kryetari Aliu, ka falënderuar këta sportistë që po arrijnë suksese të shumta në sportin e karatesë, duke ofruar edhe mbështetjen e nevojshme të Komunës së Ferizajt për këtë klub.

Aliu, ka uruar edhe karateistin, 17 vjeçarin, ferizajas Altin Maloku, i cili arriti të fitoj medaljen e artë në Turneun Ndërkombëtar të Karatesë të mbajtur në Stamboll të Turqisë, ku morën pjesë përfaqësues të mbi 40 shteteve të botës.

E nga ana tjetër, trajneri i Klubit të Karatesë “Sharri”, Shemsi Shaqiri, ka falënderuar kryetarin  Aliu për pritjen e bërë duke thënë se të gjitha këto suksese ia dedikojnë komunës së Ferizajt.

 Ai e njoftoi kryetarin që 7 karateistët e këtij klubi kanë fituar 10 medalje në këtë turne. U bë e ditur se në Turneun Ndërkombëtar “Turkish Open 2018” që u mbajt në Turqi ditë me parë, Kosova është paraqitur me 34 garues, duke arritur të renditet e dyta në bazë të medaljeve të fituar, me gjithsej 18 medalje, prej tyre 5 të arta, 6 argjendta dhe 7 të bronzta.

Sot mund të lexoni Shfletoni kopertinat