840 rrënjë kanabis janë asgjësuar sot në Tropojë nga policia lokale, në një operacion të koordinuar në bashkëpunim me FNSH. Parcela e mbjellë me lëndën narkotike është zbuluar në fshatin Lekbibaj, një zonë me terren të thyer, e cila mesa duket i ka shtyrë kultivuesit të mendojnë se do ta kenë më të lehtë për t’iu shmangur kontrolleve të policisë.
Uniformat blu bëjnë të ditur se po punojnë për identifikimin e personave që kanë mbjellë dhe kultivuar lëndën narkotike për qëllime përfitimi.
Po sot, policia e Gjirokastrës, në një operacion të ngjashëm asgjësoi 1900 rrënjë kanabis sativa.
