Policia ka asgjësuar pasditen e sotme 2 374 rrënjë kanabis sativa në zonën e Fanit në Mirditë.
Pas një kontrolli të imët në këtë zonë u konstatuan gjashtë parcela të mbjella me bimë të ngjashme me ato të kanabis sativa, me gjatësi 80-2m, që u asgjësuan në vend me anë të djegies.
Nga ana e punonjësve të policisë, vazhdon puna për identifikimin dhe kapjen e autorëve të kultivimit të këtyre bimëve narkotike.
Materialet i kaluan Prokurorisë së Rrethit Gjyqësor Kurbin për veprën penale “Kultivimi i bimëve narkotike”.
