Gjykata e Dibrës caktoi sot masën e sigurisë “Arrest shtëpie” për mësuesin Agim Muça, i cili u prangos disa ditë më parë pasi dhunoi me mjete të forta 12 nxënës të shkollës së tij.
Disa ditë më parë mësuesi dhe disa nxënës të shkollës Orzhanovë të Ostrenitm, u morën në pyetje nga policia për të sqaruar rrethanat e ngjarjes.
Mësuesi deklaroi se nxënësit e kanë përqeshur dhe mohoi t’i ketë qëlluar nxënësit me grushte.
Ai e konsideroi ngjarjen një kurth të orkestruar nga banorët e fshatit. Ndërkohë krejt të kundërtën deklaruan nxënësit, të cilët u shprehën se mësuesi vinte shpesh i dehur në klasë dhe i godiste me shuplaka dhe tru në kokë.
Mbi ngjarjen në fjalë reagoi edhe ministrja e Arsmit Lindita Nikolla, e cila e konsideroi ngjarjen të rëndë dhe bëri apel për denoncimin e situatave të ngjashme brenda mjediseve të shkollës.