Një ngjarje e dhimbshme, ku fati është treguar ironik, ka ndodhur mëngjesin e ditës së sotme në Greqi.
Mësohet se një 44-vjeçar shqiptar humbi jetën në një aksident rrugor ndërkohë që transportonte trupin e pajetë të një gruaje. Mediat greke bëjnë me dije se i ndjeri punonte shofer në një agjenci funeralesh.
Aksidenti ndodhi në aksin rrugor Antirio-Janinë, kur automjeti humbi kontrollin dhe doli nga rruga. Për pasojë humbi jetën shoferi shqiptar, që drejtonte makinën e funeralit.
Në vendngjarje mbërriti menjëherë ambulanca për t’i dhënë ndihmën e shpejtë, por fatkeqësisht 44-vjeçari nuk mundi të mbijetonte.