Një i ri ka shpëtuar mrekullisht vdekjes pasi është përfshirë në një aksident rrugor. Ngjarja ka ndodhur në segmentin Vau i Dejës – Mjedë, ku një automjet tip “Golf 4” ka dalë nga rruga dhe ka përfunduar nën urë.
Mësohet se drejtuesi i mjetit është jashtë rrezikut për jetën. Policia ka kryer verifikimet në vendin e ngjarjes. Dyshohet se shkak i aksidentit është bërë shpejtësia tej normave të lejuara në këtë aks rrugor.