Një krim i rëndë tronditi Golemin pasditen e djeshme, ku burri vrau bashkëshorten e tij me sëpatë dhe më pas u vetëdorëzua në polici ku deklaroi se shkak është bërë kërkesa për llogaridhënia e gruas.
73-vjeçari Veli Dervishi goditi me sëpatë në kokë bashkëshorten e tij Shazivare Dervishi, 68 vjeçe, duke e lënë të vdekur në vend, pas një konflikti.
Çifti Dervishi jeton në Tirane dhe ishin me pushime në Golem. Pas vrasjes së gruas i moshuari ka lajmëruar djalin e tij për veprimin e kryer.
73-vjecari ka deklaruar në polici se vrasjen e ka kryer në gjaknxehtësi e sipër, pas një konflikti të çastit.
Gjatë marrjes në pyetje në polici 73-vjeçari ka deklaruar se e vrau gruan pasi i kërkonte llogari.
“Gruaja më kërkoi llogari, më pyeti ku isha. S'mund ti jepja llogari për çdo gjë. Më acaroi shumë nervat, për këtë arsye edhe e vrava", deklaroi Dervishi në polici.
Sipas policisë autori ishte nën efektin e alkoolit gjatë momentit të kryerjes së krimit.
I biri i çiftit ka deklaruar në polici se prindërit e tij kishin konflikte të vazhdueshme për shkak të xhelozisë mes tyre.