Në vazhdën e hetimeve të vazhdueshme njësia rajonale e hetimeve në Mitrovicë, dje fillimisht ka shoqëruar për intervistë të dyshuarin E. A. 21 vjeçar, mbi dyshimet e ngritura për ’asgjësim, dëmtim të pasurisë’ ndaj një automjeti zyrtar të Policisë të ndodhur me datën 26 gusht në rrugën “Mbretëresha Teutë’’ në Mitrovicë.
Duke e bazuar në prova materiale i dyshuari me datën 26 gusht ka qenë pjesëmarrës në protestë në Mitrovicë, ku pas shpërndarjes së protestueseve, i dyshuari në fjalë me veprimin e tije ka dëmtuar automjetin zyrtar.
Pas procedurave intervistuese me vendim të prokurorit publik, të dyshuarit E. A., 21 vjeçar, i është caktuar masa e ndalimit për 48 orë.
Ndaj tij është iniciuar vepër penale ‘asgjësim, dëmtim i pasurisë’.
