Të tjera pamje shqetësuese vijnë nga Shtetet e Bashkuara të Amerikës. Dy fëmijë kanë filmuar gjendjen e rëndë të prindërve të tyre nga mbidoza e heroinës.
Këtë video ata e kanë hedhur më pas në rrjetin social “Facebook” dhe po bën xhiro në internet.
Babai i tyre shihet i shtrirë në dysheme pa vetëdije, ndërsa nëna në divan në Memfis të Amerikës.
Djali dhe vajza dëgjohen në video duke thirrur që ata të zgjohen. Fëmijët bërtasin: “Nënë, çohu”. Por, ajo s’e lëviz asnjë muskul. Në një moment tjetër djali i thotë babait: “Njeri, nuk duhet të jesh kështu në prani të fëmijëve”.
Nga ajo që dëgjohet në video, kuptohet se kjo nuk është hera e parë që prindërit e tyre gjenden në këtë gjendje.