Një ish- i dënuar për trafik droge, Gëzim Rrapa, 34 vjeç nga Gjirokastra, është arrestuar sërish, kësaj radhe me 10 kg kanabis.
Policia e Gjirokastrës njoftoi se arrestimi ndodhi në vendin e quajtur "Kthesa e Luftinjës", ku Rrapa ishte duke drejtuar një "Renault" me targa AA 309 ET.
Pas kontrollit të ushtruar nga punonjësit e policisë, në pjesën e bagazhit iu gjetën 3 thasë me kanabis. Pesha totale e lëndës narkotike ishte 10 kg.
Pas arrestimit, lënda narkotike u sekuestrua në cilësinë e provës materiale. Materialet në ngarkim të këtij shtetasi i kaluan Prokurorisë së Rrethit Gjyqësor Gjirokastër për veprën penale "Prodhim dhe shitje narkotikësh".