Policia e Sarandës ka arrestuar një 28-vjeçar, pasi akuzohet për “Mashtrim” dhe “Kallëzim të rremë”.
Sipas burimeve policore, arrestimi i 28-vjeçarit është bërë në lokalin në pronësi të shtetasit me iniciale F. B., në lagjen nr.1 Sarandë.
Ndërkohë bëhet e ditur se në pranga ka përfunduar shtetasi Erjon Haxhi, i cili kishte denoncuar në polici se ishte grabitur nga dy persona të maskuar me kapuç.
Sipas Haxhit, ata i kishin marrë shumën prej 500.000 lekësh. Por nga hetimi ka rezultuar se 28-vjeçari e kishte humbur këtë shumë në një pikë bastesh dhe nuk rezultonte që ai të kishte rënë pre e ndonjë grabitje.
Policia e Sarandës është shprehur se grabitja është e stisur nga 28-vjeçari, për të justifikuar humbjen e parave të vjedhura.