Një shofer i dehur nga fshati Zhupan i Fierit ka përfunduar në pranga sot sepse ka rrezikuar jetën e bashkëshortes së vet.
Kastriot Duraj, 37 vjeç, u arrestua në Zhupan, pasi, në gjendje të dehur, drejtonte një “Citroen” me targa AA 391 CM dhe në një moment, ka humbur kontrollin e është përplasur me bordurën anësore të rrugës duke rrezikuar të bjerë në kanal. Situata e tij u rëndua pasi pasagjere ka qenë vetë bashkëshortja 25 vjeçare, M.D., e cila ka përfunduar e plagosur në Spitalin Rajonal Fier dhe ndodhet nën kujdesin e mjekëve.
