Një aksident me pasojë një të plagosur ka ndodhur gjatë ditës së sotme në kryeqytet. Një mjet tip ‘Mitsubishi’ ka përplasur një këmbësor pranë urës tek drejtoria e Policisë.
Siç shihet edhe nga fotoja e publikuar nga ‘HDA’, i riu qëndron shtrirë në tokë pa ndjenja, ndërsa mjeti që ka shkaktuar aksidentin nuk është larguar nga vendngjarja.
I plagosuri, identiteti i të cilit nuk dihet është transportuar në spitalin e Traumës për ndihmë mjekësore, ndërsa mësohet se fatmirësisht është përmendur dhe ndodhet jashtë rrezikut për jetën.
