Policia e Kukësit ka njoftuar ditën e sotme se ka prangosur dy shtetas nga Kosova për veprat penale" Kontrabandë me mallra të tjera, kryer në bashkëpunim" dhe "Kalimi i paligjshëm i kufirit shtetëror".
Burime zyrtare nga policia e Kukësit bëjnë me dije se në pranga janë vënë Afrim Shala, 47 vjeç, banues në Pejë Kosovë dhe Esat Jahjaga, 43 vjeç, banues Rashkoc, Kosovë.
Arrestimi i shtetasve u bë pasi po tentonin të kalonin nëpërmjet kufirit të gjelbër, mjetin "Volkswagen", me targa 03 612 BT, cili ishte pa dokumente.
Materialet i kaluan Prokurorisë së Rrethit Gjyqësor Kukës, në ngarkim të shtetasve të lartë përmendur, për veprat penale"Kontrabanda me mallra të tjera, kryer në bashkëpunim" dhe " Kalimi i paligjshëm i kufirit shtetëror".