Një person i përkatësisë serbe dyshohet se e ka vrarë veten me një granatë dorë.
Sipas Policisë ngjarja ka ndodhur dje në fshatin e quajtur Ibarska Sllatina i komunës së Leposaviqit afër varrezave të fshatit.
Në afërsi të vendit të ngjarjes është gjetur vetura e cila i përket viktimës dhe një letër e cila dyshohet të jetë shkruar nga viktima.
Njësiti i Deminimit të Policisë ka dal në vendin e ngjarjes dhe sipas tyre dyshohet se ka eksploduar një granatë dore.
Me urdhër të prokurorit trupi i pa jetë i viktimës është dërguar në Institutin e Mjekësisë Ligjore në Prishtinë për obduksion.
