Një aksident me pasojë vdekjen e një personi është regjistruar mbrëmjen e sotme në vendin e quajtur “Ura e Kardhiqit” në Gjirokastër.
Një automjet tip “Skoda”, me targa AA 591 KS, me drejtues shtetasin Leonard Matushaj, ka goditur një shtetas (këmbësor) , i cili ka gjetur vdekjen e menjëhershme.
Në vendngjarje ndodhen shërbimet policore dhe grupi hetimor për përcaktimin e shkaqeve të aksidentit.
Viktima nuk është identifikuar ende, pasi nuk i është gjetur mjet identifikimi me vete.