Një person i shpallur në kërkim ndërkombëtar si trafikant njerëzish është vënë në pranga në Tiranë. Burime nga policia e kryeqytetit thanë se kanë arrestuar Kapllan Gogën, 57 vjeç, banues në Tiranë.
Një ditë më parë, oficerët e antidrogës në Policinë e Tiranës në bashkëpunim me Komisariatin numër 6 kanë bërë të mundur arrestimin e të shpallurit në kërkim ndërkombëtar nga Interpol Roma.
Arrestimi i Gogës u bë pasi drejtësia italiane në datën 28 qershor 2016, e kanë dënuar me 8 vjet burg për akuzën si “Organizator i emigracionit të paligjshëm”.
Është bërë arrestimi i përkohshëm i tij dhe dosja i ka kaluar Prokurorisë së Tiranës për veprime të mëtejshme deri në pritjen e ekstradimit drejt shtetit Italian.
