Një urdhër-arresti ndërkombëtar është lëshuar nga një gjykatë belge ndaj një 44-vjeçari shqiptar, raporton sot media prestigjioze belge “La Dernière Heure”.
Siç raporton “DH”, shqiptari, identiteti i të cilit nuk bëhet i ditur, ka krijuar një zinxhir plantacionesh kanabisi në pesë apartamente në Bruksel.
Hetuesit kanë gjetur në 5 apartamente në Scharbeek, Ganshoren, Uçle, Woluëe-Saint-Etienne (Zaventem) dhe Machelen, bimë të kultivuara kanabisi.
Dhe të gjitha apartamentet merreshin me qira nga i njëjti person, 44-vjeçari shqiptar, i cili përdorte një emër të rremë: Tomas Pedro, i lindur në vitin 1975, në Uruguaj.
Tre të tjerë, që dyshohet se kanë ndihmuar 44-vjeçarin janë arrestuar.
Në pesë apartamentet u gjetën mbi 3.000 rrënjë kanabisi dhe 10 çanta me kanabis.